पूर्ण रुपमा अशक्त नागरिकलाई नागरिकता हस्तान्तरण गरिएको
.jpg)
तस्बिर :
पूर्ण रुपमा हलचल गर्न नसक्ने पैयुँ गाउँपालिका वडा नम्बर ४ बेसिथोक निवासी २२ वर्षकी ख्याम कुमारी वि.क.लाई यस कार्यालयका कार्यालय प्रमुख श्री रबिन्द्रप्रसाद पौड्यालबाट घरमै गएर नागरिकता जारी गरिएको छ ।
२२ वर्ष सम्म पनि नागरिकता नबनाएको र नागरिकता नभएकै कारण सामाजिक सुरक्षा भत्ता बैंक मार्फत पाउन कठिन भएको भन्ने खबर पाएपछि पैंयू गाउँपलिका वडा नं.४ को सहयोगमा घरमै गएर नागरिकता हस्तान्तरण गरिएको हो ।
निजामती सेवाको आदर्श र अस्तित्व राज्यसँग प्रत्यक्ष जोडिएको हुन्छ र राज्यले आफ्ना नागरीकलाई आफ्नो उपस्थिती र न्यायमा आधारित प्रशासन सेवा उपलब्ध गराउन निजामती कर्मचारीको भुमिका महत्वपूर्ण हुने तथ्यलाई दृष्टिगत गरि नागरिकता जस्तो महत्वपूर्ण दस्तावेज पाउनबाट कोहि नेपाली नागरिकले कष्ट व्यहोर्न नपरोस भन्ने मनसायबाट स्थापित यस इलाका प्रशासन कार्यालय आफ्नो उत्तरदायित्वप्रति जिम्मेवार रहेको छ ।